Impakaammo ti Commission on Higher Education (CHED) a manamnama a maisayangkat iti limited face-to-face classes iti amin a degree programs kadagiti pagadalan iti tertiary level inton sumaruno a tawen.

Daytoy ket para kadagiti pagadalan nga adda iti lugar a nababa ti kaso iti Covid-19, nangato iti vaccination rate, ken dagiti makapasa kadagiti pagannurutan iti pannakaipatungpal ti face-to-face classes.

Kinuna met ti ASIST a manarimaan metten ti panagsurveyda kadagiti estudiante a nabakunaan kas panang-assessda nu mabalin da iti agtungpal kadagiti dadduma pay a pagannurutan para iti pannakaisayangkat iti face-to-face classes ditoy probinsia.

Nangrugi ti klase iti ASIST idi Lunes, October 11, 2021. Iti agdama, addan iti 8,502 nga estudiante manipud kinder agingga doctoral level iti naka-enroll iti nasao a pagadalan.

#FaceToFaceClasses#CHED#ASIST#JoyHELPSAndBeyond